喜劇 1985

開心鬼放暑假

黃百鳴、袁潔瑩

導演: 高志森 片長: 98分鐘

開心鬼朱錦春因為平生行善積德，因此轉世成康森貴。康森貴自細就有超能力，但係因為唔識得運用而成日遇到麻煩。聖高貴中學學生戴卓儀、簡靜美同趙明菜係班裏面卑鄙會嘅骨幹成員，經常率領全班搞惡作劇，喺一個學期之內已經激走咗七個老師。插班生姚瓊被逼加入卑鄙會。康森貴師範畢業之後，去到聖高貴中學做老師，任教文科同體育。喺第一次體育堂，戴卓儀本來諗住用射籃球嘅技術喺康sir面前威吓，點知康sir憑住更高超嘅射籃技術解圍。成班人都好唔忿氣，於是將惡作劇行動升級，令到康sir受盡苦頭，好彩得小食部鄧伯傳授對策。男校學生潘再安、高帶水、Paul Chan力追卑鄙會四個女仔，但就俾佢哋整蠱。第二日，男生去到聖高貴中學尋仇，康sir唔覺意用超能力打傷佢哋，康sir只好硬住頭皮去男校賠罪，見到男生嘅班主任老老師一見鍾情，發生咗一連串爆笑故事。