飲食 2022

搞掂食碗麵

主持 : 梁嘉琪、羅佩芝

導演: N/A 片長: 30分鐘

香港可以話係世界各地麵類嘅集中地，專門賣麵嘅餐廳有超過一千間！而本地生產嘅製麵廠、自家製麵餐廳亦有近百間，造出嘅新鮮麵類多不勝數。由各式本地廣東麵；到潮式粉麵；北方拉麵、刀削麵；日本烏冬、拉麵、蕎麥麵；韓國冷麵；越南濛粉河粉；來自歐洲嘅各式意粉；德國麵糰；甚至中東以至非洲嘅突尼西亞辣粉Rechta、摩洛哥Pastilla 麵餅，統統可以喺香港食得到。兩位堪稱麵痴嘅女主持各有所好，務求為觀眾帶來全香港第一個食麵節目！梁嘉琪對各種來自大江南北嘅中式麵甚有研究：「打開我個廚櫃，起碼會搵到20 種唔同嘅麵！」；羅佩芝則鍾情意大利粉同日式麵類；「飲一啖個湯底就知碗日本拉麵係來自邊個縣。」